全民一定破產保障計劃

手痕找資料做吓粗略計算: 12-13年度政府推算入息及利得稅為約1,600億(政府總收入 為3,900億), 假設65歲或以上長者全部可得每月2,200. 一年總開支以2011年人口普查為248億, 若以統計處2041人口推算及以今天物價作基礎, 每年支出為647億(今天價值未計通漲及夠唔夠退休人仕洗). 我想問一問開口埋口支持全民退休保障班議員, 我們子子孫孫如何付擔這支出? 唔好話比我聽你地支持加入息稅, 利得稅, 供多啲強積金云云. 亦都唔好同我講用非經常性收入例如賣地, 儲備投資收入等等來支持這經常性支出.

就算你話, OK, 人人出一份, 打工仔, 商家, 政府齊齊科水咁咪得. 唔好忘記, 政府個份都係由稅收出數. 羊毛出左羊身上, 我當一半由稅收支付(某些議員的提倡, 加利得稅等等), 另一半係天跌落嚟或者政府打家劫舍返嚟另唔好計要唔要供強積金. 按今日稅率計, 2041年要

加20%入息及利得稅先至可以找數. 班議員又會話, 今年都估少咗300億啦. 但唔好忘記, 這筆錢如果一開始就年年要比, 如果實際收入少於預算, 唔通你叫個年班退休人仕收八折呀? 下年稅收如果多咗比返你呀, 還掂都習慣咗樣樣嘢有追溯期啦...

唔該班議員比佢地條數來睇吓! 以下係某支持全民退休保障政黨的新聞稿:

"本黨要求徹底解決長者退休生活保障問題，撥備500億作全民養老金制度，長遠規劃推行全民養老金每月起碼3500元。在未推行前，放寛綜援金的資產審查及容許與家人同往的貧窮長者可申請綜援支援，並即時將現時生果金金額提升至2200元，取消任何形式的資產審查。"

500億撥備? 今天如果人人有2,200一年都已經248億, 唔好話加到3,500一位. 請話比我聽你拋個全民退休保障一個月3,500, 大家點找數? 人在野, 講就天下無敵.